នេះជាការសង្ខេបបន្ដិចបន្ដួចនៃសៀវភៅ ខ្លីខ្លឹម ដោយ ខៀវ សុផាត
ខ្លីខ្លឹម
គោលបំណងៈ ឲ្យអ្នកអានយល់ដឹងពីជីវិតខ្លួនឯង ចេះជួយខ្លួនឯង និងរិះរកមធ្យោបាយ ឲ្យយើងក្លាយជាពលរដ្ឋល្អក្នុងសង្គមជាតិ
វិថីជីវិត
- បើយើងចង់ឲ្យជីវិតយើងរស់នៅដោយរលូន យើងគួរគប្បីមានផែនការឲ្យច្បាស់ លាស់ជាមុនសិន (ខ្ជះខ្ជាយ ពេលវេលា បើគ្មានផែនការច្បាស់លាស់)
- ជីវិតយើង គួរតែមានបេសកកម្មជានិច្ច
- បរាជ័យ ព្រោះមិនខិតខំធ្វើអំពើល្អបន្ដ
- បើយើងមានចំណង់ នោះគឺជាសមិទ្ធផលជាមិនខាន
- ការវិនិយោគលើខ្លួនឯងធ្វើឲ្យេជីវិតកាន់តែប្រសើរឡើង
- ការចេះប្រើឱកាសធ្វើឲ្យជីវិតឆាប់ទទួលបានជោគជ័យ
- ការធ្វើតែអំពើល្អនាំឲ្យជីវិតជួបតែរឿងល្អ
- ខ្លួនឯងជាស្ថាបនិកនៃជីវិតខ្លួនឯង
- បើចង់ឲ្យភ្លៀងធ្លាក់កុំខ្លាចផ្គរ
- បើចង់លេងទឹកកុំខ្លាចទទឹកខ្លួន
- បើចង់ប្ដូរវិថីជីវិតកុំខ្លាចភាពជូរចត់ពេលធ្វើដំណើរ
- បើស្រឡាញ់អ្នកណាម្នាក់កុំទ្រាំមើលគេកើតទុក្ខ
- យើងមិនអាចប្ដូរអតីតកាល តែយើងអាចប្ដូរអនាគត ចាប់ផ្ដើមពីពេលនេះទៅ
- ជីវិតដូចជាសម្លកកូរ (ល្វីង ជូរ ចត់ គ្រប់រសជាតិ)
ការប៉ះពាល់នៃភាពកំសាក
- ធ្វើឲ្យគេបន្ដុះបង្អាប់មើលងាយជីវិតមិនសូវមានតម្លៃ
- ការយល់ដឹងចង្អៀតចង្អល់ ធ្វើការងារមិនធ្លុះធ្លាយ
- មានជម្ងឺច្រើន ព្រោះតែងព្រួយបារម្ភមិនឈប់
- ធ្វើអ្វីធ្វើឲ្យអស់ពីកម្លាំងកាយចិត្ត កុំឲ្យមានវិប្បដិសារី
រីកចម្រើននៃជីវិត
- ចេះប្រើពេលវេលាឲ្យមានប្រយោជន៍បំផុត
- បណ្ដុះនិស្ស័យ ក្នុងការអាន ដើម្បីបង្កើនសមត្ថភាពយល់ដឹង
- ខិតខំធ្វើការងារគ្រប់បែបយ៉ាង ពិសេសការងារដែលខ្លួនប៉ិនប្រសប់ ឬចូលចិត្ត
- ព្យាយាមអត់ធ្មត់ធ្វើកិច្ចការតូចៗជាមុន ដើម្បីធ្វើកិច្ចការធំ
- មានឆន្ទៈក្នុងការធ្វើអ្វីៗគ្រប់បែបយ៉ាងបើលូកដៃហើយ ត្រូវហ៊ានប្រយុទ្ធនឹងឧបសគ្គ
- កម្លាំងចិត្ត និងស្មារតី គឺជាគ្រឿងការពារដ៏ពិសេសក្រៃលែង សម្រាប់មនុស្ស ដែល ធ្វើដំណើរលើវិថីជីវិត
- កុំឲ្យអ្នកដទៃជាអ្នកកំណត់ជោគវាសនារបស់យើងឲ្យសោះ
គោលដៅពិត នៃការសម្រេចជោគវាសនារបស់អ្នកលើដងវិថីនៃជីវិត
- អ្នកត្រូវយកគំនិតបង្កើតសមត្ថភាព
- យកសមត្ថភាពបង្កើតលទ្ធភាព
- យកលទ្ធភាពបង្កើតប្រាក់ចំណូល
- យកប្រាក់ចំណូលបង្កើតសេចក្ដីសុខ
- យកសេចក្ដីសុខបង្កើតសុភមង្គលក្នុងសង្គមគ្រួសារ។
ឥទ្ធិពលនៃទង្វើ
- ច្បាប់ធម្មជាតិបានចារថា ពោះដែលកំពុងឃ្លាន ត្រូវរកអាហារមកដាក់សិន មិនមែន ត្រូវស្ដាប់ពាក្យផ្អែមល្ហែមរបស់អ្នកណាម្នាក់ឡើយ
- ភាពលោភលន់ និងភាពអាត្មានិយម ជារនាំងបាំងភ្នែកពីការដឹងខុសត្រូវ
- នៅក្នុងសង្គមខ្មែរបច្ចុប្បន្ន អ្នកគិតថាគុណធម៌ជាចម្បង តែងត្រូវរងការលំបាក ដោយត្រូវហូបបាយ នឹងអំបិល ឯអ្នកដែលសង្វាតលុយ និងអំណាច តែងបាន ដូចចិត្ត
វិធីសាស្រ្ដ ដែលជាដំណោះស្រាយបញ្ហាខាងលើរួមមាន
- ត្រូវមានអ្នក ដែលមានគំរូល្អបរិសុទ្ធ និងមានការលះបង់
- ត្រូវជំរុញឲ្យមានការអប់រំ ផ្នែកគុណធម៌កម្រិតខ្ពស់ ដែលតម្រូវឲ្យមានការផ្សារ ភ្ជាប់ ជាមួយនឹងចំណេះដឹងផ្នែកចិត្តវិទ្យាព្រមទាំងសិល្ប៌វិធីល្អៗ។
- គ្រប់ប្រព័ន្ធផ្សព្វផ្សាយ គឺមិនគួរសម្លឹងឃើញតែលុយមួយមុននោះទេ តែគេគួរ បង្ហាញឲ្យបានច្រើននូវអ្វីៗ ដែលមានប្រយោជន៍ដល់ការអប់រំ